કરે પૃથ્વી એક જ પોકાર,
રક્ષા કરો મારી સરકાર!
રૂંધાય છે શ્વાસ મારો એવો,
નથી આપી શકતી ઑક્સિજન પૂરતો!
જ્યાં જુઓ ત્યાં ઢગલા પ્લાસ્ટિકનાં,
ધુમાડા કારખાનાનાં અપરંપાર!
ગુમાવ્યાં મેં મારા વૃક્ષો કેટલાંય,
ને ગુમાવી મેં ક્ષમતા પાણી સાચવવાની!
નાશ પામ્યાં કેટલાંય જીવો મારા,
હતાં ઉપયોગી જે સજીવસૃષ્ટિ માટે!
સુધરી જા ઓ માનવી તુ,
ઓછું કર પ્રદૂષણ ને જતન કર મારું,
નહીંતર બદતર થશે હાલત,
આવનારી તારી જ પેઢીની!
વિશ્વ પૃથ્વી દિને કરીએ સંકલ્પ એક જ,
રોકીશું પ્રદૂષણ ને બચાવીશું પૃથ્વીને!
