મા, શું હું તને પાછી બોલાવી શકું?
મારા ઘરના પાછળના દરવાજેથી,
તું આવીને મને પૂછજે,
“મારી દીકરી, તું કેમ છે?”
“બાળકોને સ્કૂલે મોકલી દીધા?
કંઈ ખાધું કે નહીં?
તારી તબિયત બરાબર છે ને?”
મા, તારા આ નાના-નાના સવાલો
આજે પણ મને બહુ યાદ આવે છે.
મા, તું મને બહુ યાદ આવે છે,
મને તારી સંભાળની જરૂર છે,
આ દુનિયાથી જ્યારે થાકી જાઉં,
મને બસ તારી જ જરૂર છે.
શું મા, હું તને પાછી બોલાવી શકું?
એક વાર ફરી મને “મારી દીકરી” કહીશ?
એક વાર મારા માથે હાથ મૂકીને,
મને તારા પાલવમાં લઈશ?
