The Download Link has been successfully sent to your Mobile Number. Please Download the App.
Continue log in with
By clicking Log In, you agree to Matrubharti "Terms of Use" and "Privacy Policy"
Verification
Download App
Get a link to download app
" હું ને મારો પડછાયો " આજ અમે ખુલીને મળ્યા, હું ને મારો પડછાયો. ખૂબ પછી વાતોએ ચડ્યા, હું ને મારો પડછાયો. ટેકો આપ્યો'તો જેને, એ જ હટી ગયાં ખરા સમયે, છતાં પણ કદી ન કોઈને નડ્યા, હું ને મારો પડછાયો. ચોમેર છે આજકાલ, ભીડભાડ શહેરની સડકો પર, ને, એમાંય એકલાં જ ભટક્યા, હું ને મારો પડછાયો. ખીલી ઊઠ્યાં જુવો, હર બાગબાન શરદની મોસમમાં, લ્યો પાનખર માફક ખરી પડ્યા, હું ને મારો પડછાયો. છૂટતાં રહ્યાં છે એક પછી એક સબંધ અને સંગાથી, અંત વેળા પણ સાથે જ રહ્યા, હું ને મારો પડછાયો. ✍... વિનોદ. મો. સોલંકી "વ્યોમ" જેટકો (જીઈબી), મુ. રાપર
" જતાં રહ્યાં " હાથ અમારો એ, છોડીને જતાં રહ્યાં જન્માંતરનો સબંધ તોડીને જતાં રહ્યાં. કેમ કરીને ભૂલવી મારે એ પળને? કહો! આંખમાં આંખ એ પરોવીને જતાં રહ્યાં. આંગણે ઊભો રહીને કરતો રહ્યો પ્રતીક્ષા, ને, એ ઊંબરો ઓળંગીને જતાં રહ્યાં. આપી ગયાં છે જીવનભરનો સંતાપ એ, ખરતાં આંસુથી આંસુ જોડીને જતાં રહ્યાં. ના સમજ્યાં એ પ્રેમ કે, હૃદયની વેદનાને! બસ ઉતાવળે ઉતાવળે દોડીને જતાં રહ્યાં. એમની નફરત ને સમજી બેઠાં 'તાં પ્યાર, જતાં જતાં એ આંખ ખોલીને જતાં રહ્યાં. સુરાલયમાં પણ ના મળ્યો સંતોષ જ્યારે, ભરેલા હર જામ અમે ઢોળીને જતાં રહ્યાં. ના રહી આશા એમના પાછાં ફરવાની તો, "વ્યોમ" ખુદની કબર ખોદીને જતાં રહ્યાં. ✍... વિનોદ. મો. સોલંકી "વ્યોમ" જેટકો (જીઈબી), મુ. રાપર
કહું તો કોને કહું? દર્દ અને ચાહતની વાત, કહું તો કોને કહું? કેમ ગુજારી એકલાં રાત? કહું તો કોને કહું? ના તો પલટીને જોયું કે, ના કહ્યું અલવિદા! કેવી હતી એ મુલાકાત? કહું તો કોને કહું? મહોબ્બત એમની ના મળી, તો ના સહી! કેમ મળી દર્દની સોગાત? કહું તો કોને કહું? બની શબ્દ ઊતર્યા કાગળે, દર્દ આ દિલનાં! ગઝલ થકી એ રજુઆત, કહું તો કોને કહું? વરસાદની જેમ, દર્દ વરસાવતું રહ્યું "વ્યોમ" જાણે કે થયો ઉલ્કાપાત, કહું તો કોને કહું? ✍... વિનોદ. મો. સોલંકી "વ્યોમ" જેટકો (જીઈબી), મુ. રાપર.
" મિત્રતા " તારી ને મારી વચ્ચે, આ કેવું ઋણાનુબંધ છે? હોય આંખો ખુલ્લી કે બંધ, તારું સ્મરણ છે. નથી સબંધ કોઈ લોહીનો આપણી વચ્ચે, છતાં, એકબીજાથી અજબ વળગણ છે. આપણા મળવાની આજ અસર જોઈ લે, ઘડપણ પણ લાગે છે જાણે કે બાળપણ છે. છે અઘરી સમજવી આ જિંદગીની કિતાબને, પરંતુ, મિત્રતા એનું એકદમ સરળ પ્રકરણ છે. દીનાનાથ પણ અધૂરો કહેવાય જેમના વિના, એક તો છે સુદામા અને બીજો અરજણ છે. દુનિયાના કડવા સબંધોની વચ્ચે પણ "વ્યોમ" મિત્ર નામે ઈશ્વરે આપ્યું અદ્ભુત ગળપણ છે. ✍... વિનોદ. મો. સોલંકી "વ્યોમ" જેટકો (જીઈબી), મુ. રાપર.
" સેજ ફૂલોની " જિંદગીએ સરગમ રેલાવી ફૂલોની. જાણે ચૂંદડી કોઈએ લહેરાવી ફૂલોની. ઉપવનમાં ભીનાં પગલાં કર્યાં કોણે છે? શું મુલાકાતે શબનમ પણ આવી ફૂલોની? તારી અધખૂલી આંખો જોતાં લાગે છે, પ્રભાતે ફૂલછોડે કળી ખિલાવી ફૂલોની. કર્યું છે સમર્પણ જીવન એમના પ્રેમમાં, લો અમે પણ હવે કસમ ખાધી ફૂલોની. જાશું તોય "વ્યોમ" દિલમાં વસીને જાશું, સજાવીને સેજ અંતિમ મેં રાખી ફૂલોની. ✍... વિનોદ. મો. સોલંકી "વ્યોમ" જેટકો (જીઈબી), મુ. રાપર.
" ભાદરવો માસ " રીઝવવા પિતૃઓને, સૌ કરશે શ્રાદ્ધ. આવ્યો રે આવ્યો રે ભાદરવો માસ. જીવતેજીવ તો ન આપ્યો એક ગ્રાસ. બોલાવી કાગડાને નખાશે કાગવાસ. જીવતાં હોય ત્યારે તો ના બેઠાં પાસ. મર્યા બાદ ધર માથે લખે પિતૃ નિવાસ. જીવતાં જેણે કરી સદા સંતાનની ફિક્ર, મર્યા પછી એ પિતૃ નડે, વાત બકવાસ. જીવિત વડીલની કરી લે સેવા "વ્યોમ", આશીષ રહેશે માથે ને મળશે કૈલાસ. ✍... વિનોદ. મો. સોલંકી "વ્યોમ" જેટકો (જીઈબી), મુ. રાપર.
" ભીતરમાં કોઈ " સળવળે છે ભીતરમાં કોઈ. ખળભળે છે ભીતરમાં કોઈ. ભરાયો છે કેમ ડૂમો આજ? શું સાંભરે છે ભીતરમાં કોઈ? બનીને ઉમ્મીદ આ હૃદયમાં, ઝળહળે છે ભીતરમાં કોઈ. કેમ હૃદય ભીંજાયેલું લાગે? શું પલળે છે ભીતરમાં કોઈ? બાતલ થયું સમણું આંખોથી, હવે, છળે છે ભીતરમાં કોઈ. રોજ સવારે ઊગે ને, "વ્યોમ" સાંજે ઢળે છે ભીતરમાં કોઈ. ✍... વિનોદ. મો. સોલંકી "વ્યોમ" જેટકો (જીઈબી), મુ. રાપર.
" તારા વિના " જિંદગી છે અંધકાર, તારા વિના; આ જીવન છે પડકાર, તારા વિના; તારા વિના જીવન પણ શું જીવન? એક સૂનો છે સંસાર, તારા વિના; તું છે તો જ હૃદય આ સાબૂત છે, નર્યો એ છે કાટમાળ, તારા વિના; રણ વચાળે તું એક મીઠી વિરડી, જગ આખું છે ભેંકાર, તારા વિના; તારા સંગ હર દિવસ છે તહેવાર, હર ઉત્સવ છે બેકાર, તારા વિના; જીવન સફર તારા સાથે છે રંગીન, બે-રંગીન છે સવાર, તારા વિના; પ્રણયમાં ઝંપલાવ્યું સ્નેહ સાગરમાં, નાવ એમાં છે મઝધાર, તારા વિના; ભૂલવું તને ક્યાં આસાન છે? "વ્યોમ" સ્મરણ તારું છે વારંવાર, તારા વિના; ✍... વિનોદ. મો. સોલંકી "વ્યોમ" જેટકો (જીઈબી), મુ. રાપર.
" રહી ગયાં " દિલમાં એમની યાદોનાં જ નિશાન રહી ગયાં. એ તો ચાલ્યાં ગયાં, ને અમે હેરાન રહી ગયાં. સપનાં તૂટ્યાં આંખનાં એક પછી એક એ રીતે, કે, શું કહું? દિલનાં અધૂરાં અરમાન રહી ગયાં. ચોમેર છવાઈ ગઈ નિર્જનતા, હૃદયની ધરા પર! વેરાન આ હૃદયમાં બસ ખાલી મકાન રહી ગયાં. ખબર નો'તી પ્રેમમાં જરૂરી હોય છે હોશિયારી, પ્રણયની શતરંજમાં અમે તો નાદાન રહી ગયાં. ધીરે ધીરે બેસ્વાદ થતી જાય છે આ જિંદગી, ધડકતે હૃદયે પણ અમે તો બેજાન રહી ગયાં. બેધારી છે તલવાર, આ મહોબ્બત તો, "વ્યોમ" ઉજડી ગયાં પ્રેમ ઉપવન, ને મસાણ રહી ગયાં. ✍... વિનોદ. મો. સોલંકી "વ્યોમ" જેટકો (જીઈબી), મુ. રાપર.
" યાદ તમારી " આવે છે અનહદ જ્યારે યાદ તમારી. છલકાઈ જાય છે ત્યારે આંખ અમારી. હજુ પણ જોઈ રહ્યો છું હું વાટ તમારી. લાગતું નથી છે કંઈ કદર ખાસ અમારી. છોડીને સાથ ભલેને સંવારી કાલ તમારી. જુઓ થઈ ગઈ વેરવિખેર આજ અમારી. અમારા હૃદયને છે હજુએ આશ તમારી, ને, તમે માંગો છો જોવાને લાશ અમારી? પણ જો મળે અંતિમ પડાવે કાંધ તમારી, તો, "વ્યોમ" હસતાં નીકળે સાંસ અમારી. ✍... વિનોદ. મો. સોલંકી "વ્યોમ" જેટકો (જીઈબી), મુ. રાપર.
Copyright © 2025, Matrubharti Technologies Pvt. Ltd. All Rights Reserved.
Please enable javascript on your browser
