🌷" કોઈના માટે "🌷
ખર્ચાઈ જ ગયા કોઈના માટે.
ચર્ચાઈ જ ગયા કોઈના માટે.
છતાંય ક્યાં સાંપડ્યું સુખ છે,
વેંતરાઈ જ ગયા કોઈના માટે.
ના લગાવ્યો મલમ ઘાવ પર,
ખોતરાઈ જ ગયા કોઈના માટે.
બૂરાઈનું પણ ભલું કરવા કાજે,
જોતરાઈ જ ગયા કોઈના માટે.
સંબંધોને સાચવવામાં કાયમ,
ખોવાઈ જ ગયા કોઈના માટે.
અમારું તો કોઈ ન થયું છતાંય,
લૂંટાઈ ગયા અમે કોઈના માટે.
મૃત્યુના ખોળે પોઢીને "વ્યોમ",
હણાઈ પણ ગયા કોઈના માટે.
✍...© વિનોદ. મો. સોલંકી "વ્યોમ"
જેટકો (જીઈબી) અંજાર. મુ. રાપર.
