The Download Link has been successfully sent to your Mobile Number. Please Download the App.
Continue log in with
By clicking Log In, you agree to Matrubharti "Terms of Use" and "Privacy Policy"
Verification
Download App
Get a link to download app
" લાગણી થઈ ઠંડી" આજકાલ સબંધોમાં મંદી લાગી ગઈ છે. એમ કહો કે લાગણીમાં ઠંડી લાગી ગઈ છે. નથી રહ્યું કોઈ-કોઈનું પણ આજકાલ તો, બે ભાઈઓ વચ્ચે જુવો વંડી લાગી ગઈ છે. પાશ્ચાત્ય સંસ્કૃતિ પાછળ ઘેલા યુવાનોને, પણ, આદતોય કેવી ગંદી લાગી ગઈ છે? વેચાય છે ખુલ્લે આમ એ જ જગ્યાએ, જ્યાં કહેવાય કે દારૂબંધી લાગી ગઈ છે. મોક્ષનો માર્ગ બસ એમને મળશે "વ્યોમ " હાથમાં જેના ઈશ્વરની કંઠી લાગી ગઈ છે ✍...© વિનોદ. મો. સોલંકી "વ્યોમ" જેટકો (જીઈબી), મુ. રાપર
" વલોપાત " જીવનભર કરતાં જ રહ્યાં વલોપાત એ. છતાં સુધારી ના શક્યાં ખુદની જાત એ. પાશ્ચાત્ય સંસ્કૃતિ પાછળ મૂકી એવી દોટ, કે, સમજી ના શક્યાં એના પ્રત્યાઘાત એ. મોહ માયા ને લોભ લાલચમાં ફસાતાં, નોતરતાં રહ્યાં રોજેરોજ નવી ઘાત એ. દેખા દેખીમાં જ અપનાવી ખોટી પરંપરા, ને, ગુમાવી બેઠાં ખુદની જ રીતભાત એ. છોડ્યાં ધરમ ને સંસ્કૃતિ જેમણે "વ્યોમ" ઈતિહાસ છે સાક્ષી કે ખોવાઈ નાત એ. ✍...© વિનોદ. મો. સોલંકી "વ્યોમ" જેટકો (જીઈબી), મુ. રાપર
" ઊડી ગયું પંખી ટહુકીને " જનારાં તો ચાલ્યાં ગયાં અમને એકલાં મૂકીને. ને અમે ભોગવ્યો એકાંતવાસ એમનું નામ ઘૂંટીને. સતત મહેસૂસ થયા કરે ટેરવે, સ્પંદન સ્પર્શનાં! અનિમેષ નજરે દેખું છું, બસ એ જ અંગુઠીને. એકલતા શું છે? એ, એ ડાળને જઈને પૂછો! ઊડી ગયું છે પંખી જ્યાંથી, હમણાં ટહુકીને. પ્રેમ, પ્યાર, વ્હાલનો મતલબ એ શું જાણશે? જે, કરે છે દોસ્તી તો પણ કરે છે પૂછી પૂછીને. કાંગરાય ખરવા લાગ્યા આજ એ કિલ્લાના, ઉભો 'તો તવારીખે ક્યારેક જે ગગનચુંબીને. જખમો પ્રણયનાં રૂઝાતાં નથી હવે તો કોઈ, સ્મિત પણ લઈ ગયાં છે જતાં જતાં લૂંટીને. ડામ પ્રણયનાં કંઈક એવા લાગ્યા છે "વ્યોમ" કે લાગણી પણ દર્શાવાય છે હવે ફૂંકી ફૂંકીને. ✍...© વિનોદ. મો. સોલંકી "વ્યોમ" જેટકો (જીઈબી), મુ. રાપર
" પીંજરું નીકળતું નથી " શીખ આપવાની રીત ન્યારી જિંદગીની, એ શીખવે જે, એ કોઈ શીખવતું નથી. એ દોસ્ત, મને ન યાદ કરાવીશ તું એને, બાદમાં, દિલ એને કેમેય વીસરતું નથી. પ્રણયમાં મતલબની દોસ્તી ન મિલાવ, પાષાણ દિલ કદી પણ પીગળતું નથી. પંખી તો પાજરેથી નીકળી ગયું, પણ! એ પંખીમાંથી પાંજરું નીકળતું નથી. નિર્મળ તો લાગણીથી ભીંજાઈ જાય, નિષ્ઠુરને "વ્યોમ" પણ ભીંજવતું નથી. ✍...© વિનોદ. મો. સોલંકી "વ્યોમ" જેટકો (જીઈબી ), મુ. રાપર
" ધડકતું એરણ " આંખની લાલાશનું કારણ પણ એનું એ જ છે. બંજર આ દિલમાં હજુ ભારણ એનું એ જ છે. શિકાર અંગતોએ, એમ ને એમ તો ન'તો જ કર્યો, સ્વાર્થથી ભરેલું લાગણીનું મારણ એનું એ જ છે. ઢાંકીને રાખું છું હું પીઠ મારી એ જ તો કારણથી, જખ્મો છે અલગ પરંતુ સગપણ એનું એ જ છે. સળગતો રહ્યો એકલો, બનીને ચિરાગ મજારનો, કારણ ન પૂછો મને, કેમ કે કારણ એનું એ જ છે. સિતમ કેરા હથોડા, જમાનાનાં તૂટ્યા અસંખ્ય, પરંતુ, "વ્યોમ" ધડકતું એક એરણ એનું એ જ છે. ✍...© વિનોદ. મો. સોલંકી "વ્યોમ" જેટકો (જીઈબી , મુ. રાપર
" જિંદગીની ગઝલ" શ્વાસોની શ્યાહી, કલમમાં ભરી અમે. ને, જિંદગીની એક ગઝલ લખી અમે. ડગલેને પગલે વાગી એવી ઠોકર કે, દુધનાં દાઝયાં પીએ છાશ ફૂંકી અમે. એક સાંધીએ ત્યાં તૂટે તેર, જીવનમાં! ચીથડે હાલ જિંદગીમાંય રાજી અમે. ટૂંટિયું વાળી તો ટૂંટિયું વાળીને સુતાં, પણ, ચાદર પ્રમાણે સોડ તાણી અમે. સાંભળ્યું છે કે અંત હોય સુખકારી, 'વ્યોમ' અંતીમ ઘડી એ ચાહી અમે. ✍... વિનોદ. મો. સોલંકી "વ્યોમ" જેટકો (જીઈબી), મુ. રાપર.
" ગમનું નગર " કંટક પથ, કઠણ સફર ને ગમનું નગર અમે જોયું છે; કદી ઉઘડતું, તો કદી ઉજડતું મુકદ્દર અમે જોયું છે; ઉતાવળે દિલ લગાવવાની સજા તો મળવાની હતી, પાકે ના પાકે હવે મીઠું ધીરજનું ફળ અમે જોયું છે; આપો હુંફાળી લાગણી તોય ભીંજાઈ જાય હૃદય, ને મુશળધાર વરસાદમાં કોરું શરીર અમે જોયું છે; કહેવાય છે નિસ્વાર્થ દોસ્તીને આ દુનિયામાં, પણ! ગળે મળીને પીઠમાં ભોંકાતું ખંજર અમે જોયું છે; પાનખરમાં પર્ણનું ખરવું તો છે સ્વભાવિક "વ્યોમ" ભર વસંતે લીલું પર્ણ ખેરવતું સમીર અમે જોયું છે; ✍...© વિનોદ. મો. સોલંકી "વ્યોમ" જેટકો (જીઈબી), મુ. રાપર
" ઈર્ષા " ઈર્ષા જાગી ચમનને, ખીલતું તારું વદન જોઈને. ઈર્ષા જાગી પવનને, મહેકતી ભીની લટ જોઈને. કમર લચકાવતી ચાલે છે જ્યારે તું મટક મટક, ઈર્ષા જાગી હિરનને, મટકાતી તારી કમર જોઈને. કોમળ કોમળ ગુલાબી ગાલ જાણે ખીલતું કમળ, ઈર્ષા જાગી સુમનને, પંખૂડી સરીખા લબ જોઈને. અંગ અંગ છે તારું નશીલું ને જવાની મધુશાળા, ઈર્ષા જાગી અંજુમનને, બહેકતાં નયન જોઈને. નખશિખ છે "વ્યોમ"વાસીની અદ્ભૂત આવૃતિ, ઈર્ષા જાગી કવિજનને, બેનમૂન કવન જોઈને. ✍...© વિનોદ. મો. સોલંકી "વ્યોમ" GETCO (GEB), મુ. રાપર
" ભાર લઈને ફરું છું " ત્રણ શબ્દ ન કહી શકવાનો ભાર લઈને ફરું છું. પ્રણયની આ રમતમાં હું હાર લઈને ફરું છું. કઠપૂતળીના મંચ જેવું, બનતું ગયું છે જીવન, એક મુખોટે રોજ નવો કિરદાર લઈને ફરું છું. કળવા નથી દેતો કોઈને આ હૃદયની વ્યથાને, ભીતરમાં એવો એક અદાકાર લઈને ફરું છું. સમાવી બેઠો છું સાત સમંદર આ આંખોમાં, હસતી આંખોમાં પણ હું ક્ષાર લઈને ફરું છું. આમ જુઓ તો છે હર કોઈનો સાથ સંગાથ, ને આમ જુઓ તો સૂનો સંસાર લઈને ફરું છું. ઝગમગાતો રહું છું "વ્યોમ" માફક બહારથી, પણ શું કહું? અંદર એક અંધકાર લઈને ફરું છું. ✍...© વિનોદ. મો. સોલંકી "વ્યોમ" GETCO (GEB), મુ. રાપર.
" કસોટી જિંદગીની " કસોટી જિંદગીની, ઓછી નથી હોતી. ને શીખ એની કદીય, ખોટી નથી હોતી. ભણાવે છે હર પાઠ એ ઠોકર લગાવી, બસ, હાથમાં એનાં, સોટી નથી હોતી. કોઈ લક્ષ પામવું કંઇ અઘરું નથી હોતું, નિષ્ફળની ઈચ્છા જ, મોટી નથી હોતી. ત્રાજવે તોલાય સદા સત્ય, ઈમાનદારી, જુઠ ને બેઈમાનીની, કસોટી નથી હોતી. મૃત્યુ બાદ મહેકી ઊઠે, ભોમ ને "વ્યોમ" જીવતાં જેની મેલી, હથોટી નથી હોતી. ✍...© વિનોદ. મો. સોલંકી "વ્યોમ" GETCO (GEB), મુ. રાપર.
Copyright © 2026, Matrubharti Technologies Pvt. Ltd. All Rights Reserved.
Please enable javascript on your browser
