The Download Link has been successfully sent to your Mobile Number. Please Download the App.
Continue log in with
By clicking Log In, you agree to Matrubharti "Terms of Use" and "Privacy Policy"
Verification
Download App
Get a link to download app
" સેજ ફૂલોની " જિંદગીએ સરગમ રેલાવી ફૂલોની. જાણે ચૂંદડી કોઈએ લહેરાવી ફૂલોની. ઉપવનમાં ભીનાં પગલાં કર્યાં કોણે છે? શું મુલાકાતે શબનમ પણ આવી ફૂલોની? તારી અધખૂલી આંખો જોતાં લાગે છે, પ્રભાતે ફૂલછોડે કળી ખિલાવી ફૂલોની. કર્યું છે સમર્પણ જીવન એમના પ્રેમમાં, લો અમે પણ હવે કસમ ખાધી ફૂલોની. જાશું તોય "વ્યોમ" દિલમાં વસીને જાશું, સજાવીને સેજ અંતિમ મેં રાખી ફૂલોની. ✍... વિનોદ. મો. સોલંકી "વ્યોમ" જેટકો (જીઈબી), મુ. રાપર.
" ભાદરવો માસ " રીઝવવા પિતૃઓને, સૌ કરશે શ્રાદ્ધ. આવ્યો રે આવ્યો રે ભાદરવો માસ. જીવતેજીવ તો ન આપ્યો એક ગ્રાસ. બોલાવી કાગડાને નખાશે કાગવાસ. જીવતાં હોય ત્યારે તો ના બેઠાં પાસ. મર્યા બાદ ધર માથે લખે પિતૃ નિવાસ. જીવતાં જેણે કરી સદા સંતાનની ફિક્ર, મર્યા પછી એ પિતૃ નડે, વાત બકવાસ. જીવિત વડીલની કરી લે સેવા "વ્યોમ", આશીષ રહેશે માથે ને મળશે કૈલાસ. ✍... વિનોદ. મો. સોલંકી "વ્યોમ" જેટકો (જીઈબી), મુ. રાપર.
" ભીતરમાં કોઈ " સળવળે છે ભીતરમાં કોઈ. ખળભળે છે ભીતરમાં કોઈ. ભરાયો છે કેમ ડૂમો આજ? શું સાંભરે છે ભીતરમાં કોઈ? બનીને ઉમ્મીદ આ હૃદયમાં, ઝળહળે છે ભીતરમાં કોઈ. કેમ હૃદય ભીંજાયેલું લાગે? શું પલળે છે ભીતરમાં કોઈ? બાતલ થયું સમણું આંખોથી, હવે, છળે છે ભીતરમાં કોઈ. રોજ સવારે ઊગે ને, "વ્યોમ" સાંજે ઢળે છે ભીતરમાં કોઈ. ✍... વિનોદ. મો. સોલંકી "વ્યોમ" જેટકો (જીઈબી), મુ. રાપર.
" તારા વિના " જિંદગી છે અંધકાર, તારા વિના; આ જીવન છે પડકાર, તારા વિના; તારા વિના જીવન પણ શું જીવન? એક સૂનો છે સંસાર, તારા વિના; તું છે તો જ હૃદય આ સાબૂત છે, નર્યો એ છે કાટમાળ, તારા વિના; રણ વચાળે તું એક મીઠી વિરડી, જગ આખું છે ભેંકાર, તારા વિના; તારા સંગ હર દિવસ છે તહેવાર, હર ઉત્સવ છે બેકાર, તારા વિના; જીવન સફર તારા સાથે છે રંગીન, બે-રંગીન છે સવાર, તારા વિના; પ્રણયમાં ઝંપલાવ્યું સ્નેહ સાગરમાં, નાવ એમાં છે મઝધાર, તારા વિના; ભૂલવું તને ક્યાં આસાન છે? "વ્યોમ" સ્મરણ તારું છે વારંવાર, તારા વિના; ✍... વિનોદ. મો. સોલંકી "વ્યોમ" જેટકો (જીઈબી), મુ. રાપર.
" રહી ગયાં " દિલમાં એમની યાદોનાં જ નિશાન રહી ગયાં. એ તો ચાલ્યાં ગયાં, ને અમે હેરાન રહી ગયાં. સપનાં તૂટ્યાં આંખનાં એક પછી એક એ રીતે, કે, શું કહું? દિલનાં અધૂરાં અરમાન રહી ગયાં. ચોમેર છવાઈ ગઈ નિર્જનતા, હૃદયની ધરા પર! વેરાન આ હૃદયમાં બસ ખાલી મકાન રહી ગયાં. ખબર નો'તી પ્રેમમાં જરૂરી હોય છે હોશિયારી, પ્રણયની શતરંજમાં અમે તો નાદાન રહી ગયાં. ધીરે ધીરે બેસ્વાદ થતી જાય છે આ જિંદગી, ધડકતે હૃદયે પણ અમે તો બેજાન રહી ગયાં. બેધારી છે તલવાર, આ મહોબ્બત તો, "વ્યોમ" ઉજડી ગયાં પ્રેમ ઉપવન, ને મસાણ રહી ગયાં. ✍... વિનોદ. મો. સોલંકી "વ્યોમ" જેટકો (જીઈબી), મુ. રાપર.
" યાદ તમારી " આવે છે અનહદ જ્યારે યાદ તમારી. છલકાઈ જાય છે ત્યારે આંખ અમારી. હજુ પણ જોઈ રહ્યો છું હું વાટ તમારી. લાગતું નથી છે કંઈ કદર ખાસ અમારી. છોડીને સાથ ભલેને સંવારી કાલ તમારી. જુઓ થઈ ગઈ વેરવિખેર આજ અમારી. અમારા હૃદયને છે હજુએ આશ તમારી, ને, તમે માંગો છો જોવાને લાશ અમારી? પણ જો મળે અંતિમ પડાવે કાંધ તમારી, તો, "વ્યોમ" હસતાં નીકળે સાંસ અમારી. ✍... વિનોદ. મો. સોલંકી "વ્યોમ" જેટકો (જીઈબી), મુ. રાપર.
" છોડોને ટેન્શન " આમે જિંદગીમાં તો, ઘણાં છે ક્વેશ્ચન. છે અનિશ્ચિત સફર તો, શાનું છે ટેન્શન? લોહીના સબંધો છે હાલનું નગદ વેતન, પણ, મિત્રતા જ છે ભવિષ્યનું પેન્શન. બોલતાં પહેલાં વિચારજો સો વાર, હર એક્શનનું મળે જ છે રીએક્શન. મદદને બદલે ક્યાં મળે મદદ આજકાલ? દર્પણમાંય દેખાય છે, વિરુદ્ધ રીફ્લેક્શન. માણો જિંદગીને મોજથી, છોડોને ટેન્શન! "વ્યોમ"નું બસ, એક આ જ છે સજેશન. ...વિનોદ. મો. સોલંકી "વ્યોમ" જેટકો (જીઈબી), મુ. રાપર.
" શ્રી ગણેશ તમારી જય હો " અષ્ટવિનાયક, શ્રી ગજાનન તમારી જય હો. પ્રથમ પૂજનીય, શ્રી ભગવન તમારી જય હો. તમે સૂંઢાળા, તમે દુંદાળા, તમે જ ગણાધિપ, વક્રતુંડ, શૂર્પકર્ણ, શ્રી એકદંત તમારી જય હો. લાભકર્તા, શુભકર્તા, રિદ્ધિસિદ્ધિના છો દાતા, હે, વિધ્નહર્તા, શ્રી ગણનાયક તમારી જય હો. માતા જેનાં પાર્વતી ને પિતા દેવાધિદેવ મહાદેવ, ઓખા ને કાર્તિકેયના સહોદર, તમારી જય હો. માતાપિતાને સમજીને સમસ્ત બ્રહ્માંડ "વ્યોમ" માતાપિતાના હે પ્રથમ પૂજક તમારી જય હો. ✍... વિનોદ. મો. સોલંકી "વ્યોમ" જેટકો (જીઈબી), મુ. રાપર
" જિજ્ઞાસા " છે એક જિજ્ઞાસા મારા હૃદયમાં, કે કેમ આવું થયું? હતું જ્યારે એ અમારું જ, તો કેમ એ પરાયું થયું? છલકાતી'તી ક્યારેક, હર્ષથી જે વાદળની માફક! એ કહો, કેમ આજ એ આંખનું આંસુ ખારું થયું? રોકી લઉં છું ભીતર બદદુઆ, નથી લાવતો મુખે! ચૂપ છું એ વિચારથી કે, જે થયું છે તે સારું થયું. કરતો રહ્યો દુઆ કે ભલું થજો એમનું પણ સદા, વફાદાર રહે એને એ, જે કદી પણ ના મારું થયું. ઠાલવવી છે મનની વ્યથા મારે કોઈની પાસે "વ્યોમ" પરંતુ, છું એ અવઢવમાં, કોને કહું? કે આ શું થયું? ✍... વિનોદ. મો. સોલંકી "વ્યોમ" જેટકો (જીઈબી), મુ. રાપર.
" તમન્ના લખવાની " છે તમન્ના લખવાની, પણ લખાતું નથી. કહેવું છે મારેય ઘણું પણ કહેવાતું નથી. ન જાણે કેવી રીતે વીતી રહી છે જિંદગી, સાહેબ, હવે નથી જીવાતું કે મરાતું નથી. વહેતો હતો કદી ઝરણાં ને નદીની માફક, ને, એક હદથી વધારે હવે વિસ્તરાતું નથી. અનંત ને અખંડ થઈ ગયાં છે અંધીયારા, દૂર સુધી આશાનું એક કિરણ દેખાતું નથી. ઘૂંટાતું રહ્યું છે દર્દ બધુંય હૃદયમાં "વ્યોમ" એક કવનમાં એ બધું જ દર્શાવાતું નથી. ✍... વિનોદ. મો. સોલંકી "વ્યોમ" જેટકો (જીઈબી), મુ. રાપર.
Copyright © 2025, Matrubharti Technologies Pvt. Ltd. All Rights Reserved.
Please enable javascript on your browser
