The Download Link has been successfully sent to your Mobile Number. Please Download the App.
Continue log in with
By clicking Log In, you agree to Matrubharti "Terms of Use" and "Privacy Policy"
Verification
Download App
Get a link to download app
हल्ला मचा है धन कमाने का शहर में, सुकून की अमीरी देखी है मैंने गाँव में। भाग-दौड़ में रिश्ते अक्सर छूट जाते हैं, समय ठहर-सा जाता है अब भी गाँव में। ऊँची इमारतें तो आसमान छू लेती हैं, झुककर सलाम करती है धूप भी गाँव में। चेहरों पे नकाबों की परतें चढ़ी मिलीं, सादा-सा दिल धड़कता है खुलकर गाँव में। शहरों की चमक आँखों को भा तो जाती है, आत्मा को सुकून मिलता देखा है मैंने गाँव में। थककर जब लौटता हूँ भीड़ के समंदर से, माँ सी ठंडी छाया मिलती है गाँव में। रंगों की बरसात भी फीकी लगे शहर में, माटी की खुशबू संग भीगी है होली गाँव में। 'कल्प' ने देखा है सच दोनों जहाँ का, सोना बहुत मिलेगा, पर चैन है गाँव में ॥ - पंकज गोस्वामी 'कल्प'
ક્યારેક જીવનમાં ઘણું બોલવા કરતા થોડું મૌન રાખવું સારું લાગે છે. કારણ કે, શબ્દો હંમેશા મનની ઊંડાઈ સમજાવી શકતા નથી. દિવસ દરમિયાન માણસ ઘણી બાબતોમાં વ્યસ્ત રહે છે; કામ, જવાબદારીઓ, અને પોતાના લોકો માટેના પ્રયત્નોમાં. પણ જ્યારે રાત શાંત બને છે, અને આસપાસ બધું નિઃશબ્દ થઈ જાય છે, ત્યારે મન ધીમેથી કહે છે; “થોડો વિરામ લઈએ, કાલે ફરીથી નવી શરૂઆત કરવી છે.” કારણ કે, જીવન દરેક દિવસે કંઈક શીખવે છે, અને દરેક સવાર ફરીથી આગળ વધવાની તક આપે છે. એટલા માટે મનને શાંત રાખવું અને વિશ્વાસ સાથે ચાલતા રહેવું એ જ જીવનની સાચી સમજ છે. - પંકજ ગોસ્વામી 'કલ્પ'
આંખમાં આકાશ લઈ ફરતો રહ્યો, મૂંગું કોઈ વાદળ હતો એ છોકરો; રણની રેતીમાં પગલાં લખતો રહ્યો, પોતાનો જ સાક્ષી હતો એ છોકરો; ભીડ વચ્ચે નામ ઘણાં સાંભળ્યા, પણ અંદરથી એકલો હતો એ છોકરો; હાસ્યના હોઠે દીવો રાખી દીધો, અંતરમાં અંધકાર હતો એ છોકરો; ઠોકરોને ભાગ્ય માની ચાલતો, દર્દનો વ્યવહાર હતો એ છોકરો; સવાલોની સાંજ ઊતરે ત્યારે, પોતાનો જ જવાબ હતો એ છોકરો; સમય સામે ઝૂકી ન ગયો ક્યારેય, મૌનનો મિનાર હતો એ છોકરો; 'કલ્પ' કહે, રણમાં ફૂલ ખીલે ક્યારેક, એવો જ એક અણસાર હતો એ છોકરો..!! - પંકજ ગોસ્વામી 'કલ્પ'
माना की बाहरी दियों को बुझा देंगे। अंदर जो जल रहे है ऊसका क्या?? - पंकज गोस्वामी 'कल्प'
સવાર પડી જાય છે સૂર્યોદય પહેલાં, સપનાં હવે નથી આવતાં; રોજ ઊઠીને કામે નથી જવું એવાં, બહાનાં હવે નથી આવતાં. એક સાંજે રખડવાના આનંદને મંઝિલ ગણી મોજ કરતા, ફરી ફરીને થાકી જવાય છે જિંદગી, ઠેકાણાં હવે નથી આવતાં. કેટલાંય માણસોથી છે સારો સંબંધ મારે આજકાલ તો, રાહ જોઉં પણ બાળપણની જેમ, રમવા હવે નથી આવતા. મહિનો પૂરો થાય ત્યાં સુધીમાં તો ખિસ્સું મોં ચઢાવી દે છે, સંકટ સમયની સાંકળ જેવા, ગલ્લા હવે નથી આવતા. ડૂબી રહ્યો છું સતત જવાબદારીઓના અસહ્ય બોજ હેઠળ, ગળાની ગાંઠ જેવા મિત્રને બચાવવા, દોસ્તો હવે નથી આવતા. ✍️ પંકજ ગોસ્વામી 'કલ્પ'
જિંદગી જીવતાં જીવતાં શીખવાડી ગઇ, જિંદગીને જીવવી કેટલું મુશ્કેલ કામ છે....!! - પંકજ ગોસ્વામી 'કલ્પ'
કોણ જાણે ક્યારે તેડું આવશે, આતમો આમ ક્યાં લગી પંપાળશે; આકળા થઇ વેડફો ના જિંદગી, માંહ્યલો છે સાથે યાદ રાખીને કરજો બંદગી; જીવન કેરી નૈયાને તારી એ જ તારશે, કોણ જાણે ક્યારે તેડું આવશે. મંદિર-મસ્જિદને વળી ચર્ચમાં જાવાનું તો ઠીક, કરમ કરતી વેળાએ રાખજો ઉપરવાળાની બીક; આખરી વેળાએ સત્કર્મો જ સંભાળશે, કોણ જાણે ક્યારે તેડું આવશે. મળતું રહેશે ક્યારેક થોડાં-ઘણું તો દુ:ખ, ક્યાં લગી ગોતતો ફરીશ હંમેશાં સુખ; સાધુ સાચો તો એનું નિવારણ ગોતશે, કોણ જાણે ક્યારે તેડું આવશે. - પંકજ ગોસ્વામી 'કલ્પ'
જીવવું હોય તો જીવી જવાય છે, ભલેને વારેઘડીએ તૂટી જવાય છે; કોઇ હો એકલું મારી સામે આવતું, અમસ્તા હાથ લાંબો કરી દેવાય છે; દુ:ખ, દર્દ કે પીડા ભલે મળે સામટી, રાખી સ્મિત મજાનું જીવી જવાય છે; હોય ભલેને તમારી પાસે સોનું-ચાંદી, પારકી વસ્તુઓ ક્યાં કદી લેવાય છે; જીવન છે મીઠા મધુરા સંગીત જેવું, સાંભળી એના સૂર જીવી જવાય છે...!! - પંકજ ગોસ્વામી 'કલ્પ'
લાગણી જેવું કંઈ હોતું નથી, પ્રેમ જેવું ય કંઈ હોતું નથી; ચાલતું રહે છે જીવન વિશ્વાસથી, શ્વાસ જેવું ય કંઈ હોતું નથી; માણસાઈ હો તો સઘળું કામનું, જ્ઞાન જેવું ય કંઈ હોતું નથી; તું છે મારામાં તો જીવું છું ખરો, લાશ જેવું ય કંઈ હોતું નથી; વાત છે સઘળી જનમના ફેરની, મોત જેવું ય કંઈ હોતું નથી..!! - પંકજ ગોસ્વામી 'કલ્પ'
Copyright © 2026, Matrubharti Technologies Pvt. Ltd. All Rights Reserved.
Please enable javascript on your browser
