Quotes by Parikh Prapti Amrish in Bitesapp read free

Parikh Prapti Amrish posted an update Gujarati Poem

ક્ષણો જીવનની કેટલીક ખાસ હોય છે
એજ તો જીવનનો આધાર હોય છે.

જીવન જે માણ્યું છે એ સાથ હોય છે.
બાકી બધું રહ્યું એ આભાસ હોય છે.

કેટલાક સંબંધો જીવન માં ખાસ હોય છે,
એજ તો જીવવાનો અહેસાસ હોય છે.

રહી રહી ને પીડ્યા કરે છે જે ઝખ્મો,
એની પાછી કહાની દર્દનાક હોય છે.

ખાલી પડેલા આ આકાશમાં ઉજાસ છે,
તે ઉછીનો લીધેલો દરિયા નો વરસાદ છે.

શબ્દો, લાગણી,પ્રાસ કે પછી આંસુ કહો,
લાગણી એ કવિતાનો આધાર હોય છે.

ગીત,ગઝલ કે પછી તમે કહો એને કવિતા,
એ લાગણી.ઓનો એક તહેવાર હોય છે.

"પ્રાપ્તિ"
16/7/23.

88 Views

7 others like this post.

Parikh Prapti Amrish posted an update Gujarati Poem

1 year ago

એક બસ જો તારો સાથ હોય,
બીજું જિંદગીમાં શું ખાસ હોય.

સાથે હસીએ ને સાથે રડીએ,
કહેવાની ક્યાં કોઈ વાત હોય.

પછી એક સમી સાંજ હોય,
આપણી જ બસ વાત હોય.

દરિયો એક ઉફાંન પર હોય,
હાથમાં બસ તારો હાથ હોય.

ઝરણા જેમ સદા વહેતા હોય,
જિંદગીનો મિઠો ગુંજારવ હોય.

વસંત કે હોય પછી પાનખર,
જિંદગીનો બાગ મહેકતો હોય.

સુખ,દુઃખની પરિભાષાથી દુર,
જિંદગી તો એક સૌગાત હોય.

"પ્રાપ્તિ"
9/7/23.

10 others like this post.

Parikh Prapti Amrish posted an update Gujarati Poem

1 year ago

સારાની દશા જોઈ અમે સારાઈ ખોઈ છે,
અત્તરની સુગંધ માટે ફૂલોની દશા જોઈ છે.

ધરતીને ભીંજવવા ગગનની ધારા જોઈ છે,
નીચોવાઈ ગયા પછી આકાશની દશા જોઈ છે.

પ્રેમમાં પાગલ એવા પ્રેમીની દશા જોઈ છે,
સઘળું લૂંટાવી જનારા આશિકની દશા જોઈ છે.

ચોમાસા પેલા ચાતકની દશા પણ જોઈ છે,
વાવાઝોડામાં વિખરાયેલા માળાની દશા જોઈ છે.

ઇન્તજારમાં ઓગળેલી આંખોની દશા જોઈ છે,
મિલનમાં ભીંજાયેલી આંખોને ઉઘડતી જોઈ છે.

અંતિમ સત્ય એ મૃત્યુ છે,સૌ કોઇ છે જાણે,
છેલ્લે સુધી તેની સામે લડનારની દશા જોઈ છે.

"પ્રાપ્તિ"
16/6/23.

9 others like this post.

Parikh Prapti Amrish posted an update Gujarati Poem

1 year ago

અભાવમાં જીવવું અઘરું છે,
પ્રભાવમાં જીવવું અઘરું છે,
ક્યારેક પોતાના સ્વભાવમાં,
જીવવું અઘરું છે.

જે સપના માટે જનમ્યા હોય,
તે સપના માટેજ કયારેક,
જીવવું અઘરું છે,

જાત સંકોચીને જીવ્યા હોય,
જો કાયમ તો કયારેક મન,
મૂકીને જીવવું અઘરું છે.

પ્રેમ,લાગણી, સંવેદનાના,
એ શૂન્યવકાશમાં જીવવું,
પણ અઘરું છે.

લખવા બેઠા હો કવિતા,
ને શબ્દોના એક આભાસમાં,
જીવવું અઘરું છે.

ઇચ્છાઓનું એક આકાશ પડ્યું,
હોય ને જાત સાથે સમાધાનમાં,
જીવવું અઘરું છે.

"પ્રાપ્તિ"
14/6/23.

90 Views

13 others like this post.

Parikh Prapti Amrish posted an update Gujarati Poem

1 year ago

ક્યારેક સેલી તો ક્યારેક અઘરી છે જિંદગી,
ક્યારેક સહેલી તો ક્યારેક પહેલી છે જિંદગી.

ક્યારેક કહી શકાય તો ક્યારેક ચૂપ રહી જાય,
વણ કહે વંચાય જાય એવી છે આ જિંદગી.

એક છોડો ને બીજી જ પળે લાગે કે કઈક,
થોડી અલગ તરી જાય એવી છે આ જિંદગી.

સપનાઓ સાકાર કરી જાય છે તો કયારેક,
મન મૂકીને રડાવી જાય એવી છે આ જિંદગી.

સ્ટેશન એક પછી એક એમ જ છૂટતા ગયા,
કેટલાક પડાવે લાગે થંભી જાય જાણે જિંદગી.

જીવવા મથીએ ને જિંદગી છૂટે,કેટલીક તો,
ક્ષણો હીબકે ચડી જાય એવી છે જિંદગી.

"પ્રાપ્તિ"
9/6/23.

10 others like this post.

Parikh Prapti Amrish posted an update Gujarati Poem

1 year ago

થોડાક જ સપના મારા વાવ્યા છે,
એની કુંપણ જો ફૂટે તો કહેજો ને.

સુખ દરવાજે દસ્તક દઈ ઉભુ છે,
આ દુઃખ થોડું ખસે તો કહેજો ને.

થોડા સંસ્મરણો સાચવી રાખ્યા છે
એની ધૂળ થોડી ઉડે તો કહેજો ને.

વતનની ધૂળથી માથુ ભરીને બેઠી છું,
એ પોકારે મને તો જરા કહેજો ને.

ભીનાશ થોડી લાગણીની ખોવાઈ છે,
એક માવઠું થઈ જાય તો કહેજો ને.

મૃત્યુના સત્યને લઈને ચાલીએ સતત,
જિંદગી સાદ કરે તો જરા કહેજો ને.

વિશ્વાસની તો નથી રહી ક્યાંયે ખોટ,
શ્વાસ જો થોડાં ખૂટે તો કહેજો ને.

"પ્રાપ્તિ"
17/5/23.

109 Views

15 others like this post.

Parikh Prapti Amrish posted an update Gujarati Poem

1 year ago

મસ્ત છે.

જિંદગી થોડી અત્યારે અસ્તવ્યસ્ત છે,
તોયે પ્રવાહ એનો વહેતો રહેતો સતત છે.

રોજ એક શમણું આવી કહે છે કાનમાં,
જીવી જાને દોસ્ત જિંદગી બહુ મસ્ત છે.

રોજ ક્યાં મળે છે સૌને સુખ ચેન અહી,
ક્યાંક થતો આરંભ ક્યાંક પાછો અંત છે.

ઊછળે લાગણી ને રોજ ભરાય છે મેળો,
હૈયાની હામ પાછી રાખી અકબંધ છે.

જીવી જાને જીવેલા દિવસો જ સંગ છે,
બાકી રહેલી ક્ષણો પાછી પીડતી સતત છે.

"પ્રાપ્તિ"
7/5/23

10 others like this post.

Parikh Prapti Amrish posted an update Gujarati Poem

1 year ago

સાર્થક છે.

શ્વાસ માં થોડી સુગંધ ભળે તો સાર્થક છે.
કોઈના માટે થોડા આંસુ પડે તો સાર્થક છે.
આ હાથ કોઈની દુવામાં ઉઠે તો સાર્થક છે.
અંતવેળા પણ અવસર બને તો સાર્થક છે.
વતનની ધૂળ માટે જીવન ખપે તો સાર્થક છે.
આંગળી કોઈના આંસુ લૂછે તો સાર્થક છે.
આ શબ્દો કોઈને સ્પર્શે તો એ સાર્થક છે.

"પ્રાપ્તિ"
4/5/23.

8 others like this post.

Parikh Prapti Amrish posted an update Gujarati Poem

1 year ago

શું લખું તને?

જિંદગી ની ઝળહળ લખું કે,
વિષાદ કેરી કોઈ ક્ષણ લખું.
શ્વાસ લખું કે વિશ્વાસ લખું,
કે મિલનની એક ક્ષણ લખું.
ઉંબરે ઊભી છે જે જવાની,
એ કોઈ વસંત લખું કે પછી,
વિચારોની એક પળ લખું.
છુટા પડ્યા તે કદી ન મળ્યા,
અંતરની એ ઊર્મિ લખું કે,
તારા વગર વિતાવેલી એ,
દરેક ઉત્કટ એવી ક્ષણ લખું.
જિંદગી જીવી ગયાને એ,
એકાદ પાછું સ્મરણ લખું.
સપનાઓના શહેરમાં વીતેલી,
રાત ને પાછી કોઈ પ્રહર લખું.
તું આવને બેસીએ એક સાંજે,
તારા માટે હું એક ગઝલ લખું.

"પ્રાપ્તિ"
1/5/23.

9 others like this post.

Parikh Prapti Amrish posted an update Gujarati Poem

1 year ago

સફર તારી સાથેનો હમેશાં સુંદર રહ્યો,
ક્યારેક ઓટ તો ક્યારેક કિનારો રહ્યો.

જિંદગીનો જાણે એ એક સહારો રહ્યો,
રૂપાળા ઉપવન જેવો સોહામણો રહ્યો.

ક્યારેક કાંટા તો ક્યારેક ફૂલ જેવો રહ્યો,
ક્યારેક ઝરણાં જેવો ,ક્યારેક શાંત રહ્યો.

લાલિમા હતી સૂરજ જેવી સદાય એમાં,
તો ક્યારેક કમી તારી થશે ડરાવતો રહ્યો.

સફર તારી સાથેનો સદાય હસાવતો રહ્યો,
ક્યારેક આંસુની જેમ પણ ઉભરાતો રહ્યો.

સંધ્યા જેમ ક્યારેક ખીલેલો હતો ને તોયે,
ક્યારેક પાછો થોડો દઝાડતો પણ રહ્યો.

જિંદગાની રહેશે ત્યાં સુધી આ એક જ,
સફર છે જે જીવનને એ સંભાળતો રહ્યો.

"પ્રાપ્તિ"
30/4/23.

90 Views

6 others like this post.

Quotes by Parikh Prapti Amrish in Bitesapp read free

Parikh Prapti Amrish

Parikh Prapti Amrish posted an update Gujarati Poem

Parikh Prapti Amrish posted an update Gujarati Poem

Parikh Prapti Amrish posted an update Gujarati Poem

Parikh Prapti Amrish posted an update Gujarati Poem

Parikh Prapti Amrish posted an update Gujarati Poem

Parikh Prapti Amrish posted an update Gujarati Poem

Parikh Prapti Amrish posted an update Gujarati Poem

Parikh Prapti Amrish posted an update Gujarati Poem

Parikh Prapti Amrish posted an update Gujarati Poem

Parikh Prapti Amrish posted an update Gujarati Poem

Follow Us On:

Download Our App :