કહું તો ! તારી ચાહતમાં હવે એ વાત નથી લાગતી....
યાદ છે ! આપણા પ્રણયની એ પહેલી મુલાકાત,
ત્યારે જે મળવાની તાલાવેલી રહેતી તારા મનમાં,
હવે એવી અસર રહી નથી લાગતી...
કહું તો ! તારી ચાહતમાં હવે એ વાત નથી લાગતી....
સવાર ના એલાર્મ પહેલા તારો કોલ મને જગાડી દેતો,
કહું તો તારી યાદોમાં ખોવાઈ હું સૂતો પણ ક્યાં હતો !
ક્યાં ખોવાઈ એ રીંગ કેમ હવે નથી વાગતી...
કહું તો ! તારી ચાહતમાં હવે એ વાત નથી લાગતી....
બાબુ ખાધું, બાબુ શું કરો ? તારા મેસેજથી મારું ઇનબૉક્સ ઉભરાતું ક્યારેક,
ને પછી રિપ્લાય ની રાહ જોતી જોતી ગુસ્સામાં તું ખીજવાતી,
ક્યાં ખોવાઈ એ નોટીફિકેશન જે સ્ક્રીન પર નથી આવતી...
કહું તો ! તારી ચાહતમાં હવે એ વાત નથી લાગતી....
સમય ના હતો તો પણ સમય કાઢી લેતો હું તારા માટે,
તારા એકવાર કહ્યા પર હું આવી જતો મળવાને માટે,
કેમ હવે તારી માંગણીમા એ જીદ નથી લાગતી...
કહું તો ! તારી ચાહતમાં હવે એ વાત નથી લાગતી....
તું કહે કે ના કહે પણ હું જાણું છું, સમજુ છું બધું ગાંડી !
તારા વિચારોનું પંખી નવા ઉપવનની રાહ જે પકડી બેઠું છે,
જો બેવફાઈની આ રીત તને સારી નથી લાગતી....
કદાચ એટલે જ હવે,
કહું તો ! તારી ચાહતમાં હવે એ વાત નથી લાગતી....
મિલન લાડ.....
