ના હારી હું ભોળાની દીવાની
**********************
ના હારી હું પાગલ છું ભોળાની દીવાની
આ દુનિયા ક્યાં મારુ કશું છીનવી લેવાની
હો ના વ્હાલી મને જીત હો મારી પ્યારી
હું બસ ભોળા સામે ભલેને હારી ન્યારી
ના હારી હું મારી પડખે ઊભો છે શ્રી હરિ
ના પરવા ન ફિકર હું એક ભક્ત ફકીરી
ના લેશમાત્ર મને જોને પરવા બીજાની
હુંતો આજન્મ મારા ભોળાની દિવાની
આ વિશાળ અફાટ દરિયા માં ફરતી
નિજ કાગળ કેરી કશ્તી મારી તરતી
ભલે આવે શું ભરતી કે ઓટ મજાની
નિજ મહાદેવ ના મને પડે ખોટ કશાની
આ મારગ મારો શ્રદ્ધા નો અફળ અડગ
ના હવે રહે કોઈ ડર મારો છે નિર્ભય ડગ
ધૂન ભોળાની ભક્તિ એવી લાગી સફળ
મારુ હૈયું પોકારે જાણે બની સોનુ નિર્મળ
મારી ભક્તિ આધ્યાત્મિક આસ્થા નો વટ
એ મહાદેવ કેરો મને મળ્યો પ્રેમ સંબંધનો પટ
હું વટેમાર્ગુ એક હા રે અલમસ્ત દિવાની
આજીવન શિવશંકર ની હું તો ભક્ત રેવાની
ના હવે કોઈ મોહ ના માયાની રાખું મેડી
મેતો ભલે પકડી હરિભજન ની કાંટાળી કેડી
ભાવુ કહેછે છોડી ચિંતા માનવ તું પણ સાંભળ
હરીને ભજવાનો ફરી નહી જોને મળે અવસર
મન મંદિરમાં દીપ પ્રાગટય ઉજાસ હૃદયમાં કરીને
કર મન રોશન ઝળહળ સંસારને શિવ પામીને
