શીર્ષક - "હારીને જીતી ગયાં"
એક એ છે કે અમને જોઈ જોઈને ફરી ગયાં;
ને એક અમે છીએ કે એમને જોવા તરસી ગયાં;
વાત તો હતી ફક્ત મહોબ્બત નિભાવવાની જ,
એમણે કરી બેવફાઈ, તોય અમે વફા કરી ગયાં!
ચાહતા રહ્યા છીએ અમે સદા એમની ભલાઈ,
બસ, એમના એક ઈશારે જ રસ્તેથી હટી ગયાં!
દર્દ પણ એ રીતે દિધું, કે એની ખબર જ ના રહી!
એમાં એમની ખુશી સમજી હસતા મુખે સહી ગયાં;
એમને લાગે છે કે એ જીતી ગયાં બાઝી પ્રણયની,
પણ, સમય જ કહેશે કે અમે હારીને જીતી ગયાં;
એથી વધારે તો શું સજા આપું એમની બેવફાઈની?
કે એની ધારણા વિરુદ્ધ અમે જીવનભર હસી ગયાં;
"વ્યોમ" જેટલું વિશાળ રાખ્યું છે અમે કાયમ દિલ,
એટલે જ એમના હર ગુનાહ અમે માફ કરી ગયાં;
✍... © વિનોદ.મો.સોલંકી "વ્યોમ"
GETCO (GEB),
મુ. રાપર.
