હૃદયના દ્વાર પર અંકાયું નામ કોઈનું,
સમયથી પણ ન ભુંસાયું એવું સ્થાપન કોઈનું.
મસ્તક નમ્યું જ્યાં ત્યાં મૌન આકાશ પણ રહ્યું,
અંતરે અનુભવ્યું ત્યાં અવિરત ધામ કોઈનું.
નિ:શબ્દ શિલામાં ગૂંથાયેલી સદીઓની વાત,
અશ્રુથી ઝીલાય એવું વચન કોઈનું.
ન પગલાંનો રણકાર, ન મંત્રોની ઝણકાર,
શ્વાસે-શ્વાસે વહેતું અનુસંધાન કોઈનું.
વિશ્વાસથી જ્યાં અહંકાર જીતાયો સદાય,
તે પવિત્ર શિલા બની તીરથ કોઈનું.
શબ્દો ખૂટે ત્યાં શ્રદ્ધાનો નાદ ગુંજાય,
મૌનથી પણ સંભળાય આહ્વાન કોઈનું.
