શિયાળાને વિદાય આપી આવી હુતાશણી.
ઉનાળાને રખે આવકારી આવી હુતાશણી.
યાદ પ્રહલાદની આજેય સ્મરણમાં આવતી,
હિરણ્યકશિપુને ધિક્કારી આવી હુતાશણી.
અગનકસોટી છોને થતી હોય હરિ જો હારે,
ભક્તવત્સલતાને સ્વીકારી આવી હુતાશણી.
હોલિકાદહને સહીસલામત રહ્યો પ્રહલાદને,
સત્યનો શકે વિજય મનાવી આવી હુતાશણી.
કેસૂડાંના રંગે માનવમહેરામણ તો ગયું રંગાઈને,
નૂતન જોમને ઉત્સાહ સંચારી આવી હુતાશણી.
- ચૈતન્ય જોષી. " દીપક " પોરબંદર.
