राष्ट्राची प्रगती की मानवतेची अधोगती
खूप थकलेला दिसतोस रे
माझ्या पंढरीच्या राजा पांडुरंगा
कसा सहन होतोय रे विठ्ठला तुला
अस्तित्वासाठी चाललेला अमानवी दंगा
माझा शेतकरी राजा झालाय
कर्जाच्या वाढत्या डोंगरामुळे वेडापिसा
पापाच्या पैशामुळे फुगत चाललाय
भ्रष्ट आणि निर्दयी राजकारण्यांचा खिसा
शेतकऱ्याचं ऐकणारा कोणी नसल्याने
करतोय तो अश्रूंची काळजामध्ये साठवण
अशा खडतर प्रसंगावेळी खरंच येते
स्वराज्यसंकल्पक शहाजी महाराजांची आठवण
पाठव ना रे विठ्ठला त्यांना परत
खचून गेली स्वाभिमानाची धरती
नक्कीच आळा बसेल पांडुरंगा
भ्रष्ट हुकुमशाही राजकारणावरती
शेतकरी राजा खूप खचलाय रे
कायम पाठीशी असो तुझा आशिर्वाद
लवकरच मिटवून टाक पांडुरंगा
माणुसकी संपवणारा अस्तित्वाचा वाद
स्वप्निल संगीता ज्ञानेश्वरराव कऱ्हाळे पाटील
लेखक शाश्वत सत्य मराठी काव्यसंग्रह
मो. नं. 9049225717
