The Download Link has been successfully sent to your Mobile Number. Please Download the App.
Continue log in with
By clicking Log In, you agree to Matrubharti "Terms of Use" and "Privacy Policy"
Verification
Download App
Get a link to download app
હતી પ્રહલાદ ને ખરાખરીને હરિ આવ્યા. રૂપ નરસિહનું લીધું હતું ધરીને હરિ આવ્યા. સમો હતો લાજ ભક્તતણી રાખવાનોને, ઉગ્ર સ્વરૂપે દીસે ફરીફરીને હરિ આવ્યા. મકસદ પ્રહલાદને બચાવવાનો જ એકમાત્ર, હતી ભક્તને વેળા ખરાખરીને હરિ આવ્યા. હિરણ્યકશિપુને વરદાનનો અહેસાસ થયો, ના ખામી રહી ગૈ પછી જરીને હરિ આવ્યા. રક્ષીને નિજભક્તને દૈત્યનો સંહાર કીધોને, પ્રહલાદનો જયજયકાર કરીને હરિ આવ્યા. -ચૈતન્ય જોષી ,દિપક પોરબંદર.
પથરાઓ તર્યા એમાં ફુલડાંઓને ડૂબવું પડ્યું. દુર્જનો જીત્યા એમાં સજ્જનોને હારવું પડ્યું. વાદળોને થઈ આળસ ચોમાસે વરસાવવામાં, ભર ઉનાળે માવઠાને તેથી જ તો વરસવું પડ્યું. ક્યાં કાટલે તોળાય છે આવો ન્યાય જગતનો, મૌન સજ્જનોનું એને જ ખુદને સહેવું પડ્યું. મારે એની તલવાર એ પ્રથા તો જુગજુની છે, જતું કરનારને કેટકેટલું વારંવાર વેઠવું પડ્યું. ખોટાને સાચું સાબિત કરવામાં દલીલો થતી, તેથી જ સત્યને સમો પરખીને સંતાવું પડ્યું. -ચૈતન્ય જોષી. 'દિપક,' પોરબંદર.
વિચારી વિચારીને બોલે એ શબ્દો અંતરના નથી હોતા. ગોઠવી ગોઠવીને બોલે એ શબ્દો અંતરના નથી હોતા. કશુંક પામવા પ્રશંસાના પુલો બાંધીને રજૂઆત થતી, વળી ચાવી ચાવીને બોલે એ શબ્દો અંતરના નથી હોતા. અસત્ય આંખથી આંખ મિલાવી શકતું નથી ક્યારેય કદી, માન્યું ચાખી ચાખીને બોલે એ શબ્દો અંતરના નથી હોતા. નથી હોતી એકરૂપતા એના અંતર અને અવાજની વચ્ચે, પરખી પરખીને જે બોલે એ શબ્દો અંતરના નથી હોતા. શબ્દોથી સંમતિ સુધી પહોંચવાનું સરળ નથી હોતું વખતે, કોઈ ટાંકી ટાંકીને બોલે એ શબ્દો અંતરના નથી હોતા. -ચૈતન્ય જોષી .'દીપક' પોરબંદર.
સમજ એટલી આપજે કે કોઈ નું અહિત ન થાય. સમજ એટલી આપજે કે સૌનું સદાય વિચારાય. ના કરું અપમાન કદીએ બાળક વૃદ્ધ કે બીમાર તણું. સમજ એટલી આપજે કે એને કરું હું સર્વદા સહાય. કોઈનું સારું જોઈને મારા હૈયામાં હરખ જાગી જાય, સમજ એટલી આપજે કે ઈર્ષાને આપી દઉં વિદાય. ના થાઉં હું નાસીપાસ કદી છોને નિષ્ફળતા મળતી, સમજ એટલી આપજે કે હિંમત ટકે હૈયામાં સદાય. સુખ અને દુઃખમાં હર હંમેશ મન વિચલિત કદી ન થાય, સમજ એટલી આપજે કે પરિસ્થિતિ મારાથી પમાય. -ચૈતન્ય જોષી .'દિપક' પોરબંદર.
ઘરનું આંગણું સત્કારે, તમે આવો મારા આંગણે. ઉમરાનું તોરણ છે હારે, તમે આવો મારા આંગણે. કરીને કલરવ પક્ષી પણ રાજીપો એનો પ્રગટાવે, ઉગતો સુરજ આવકારે, તમે આવો મારા આંગણે. શીતળ મંદ સુગંધી વાયુ તો ચોમેર પ્રસરી જાણે કહેતો, તરુ પત્રરવ કરી બોલાવે, તમે આવો મારે આંગણે. નયનમાં નેહને હૈયામાં હેત ઊભરાતું અતિથિ આગમને, યજમાન શબ્દો ઉચ્ચારે, તમે આવો મારે આંગણે. ઈશથી અધિક ગણીએ તમને ધન્ય ઘડી ધન્ય ભાગ, કોકિલ ટહુકારે આવકારે, તમે આવો મારા આંગણે. -ચૈતન્ય જોષી 'દિપક' પોરબંદર.
લોકશાહીને જીવંત રાખવા મતદાન જરૂર કરીએ. ફળ આઝાદીના મીઠાં ચાખવા મતદાન જરૂર કરીએ. આઝાદ હિન્દના છીએ નાગરિક એ કદી ના ભૂલીએ. હક્ક ને ફરજ બંને નિભાવવા મતદાન જરૂર કરીએ. શું થશે આપણા એક મતથી એવું કદી ના વિચારીએ. ટીપે ટીપેથી સરોવર ભરવા મતદાન જરૂર કરીએ. કેવળ આપણું નહીં પરંતુ સૌનું કલ્યાણ સદા નિહાળીએ. નાગરિક તરીકે ફરજ બજાવવા મતદાન જરૂર કરીએ. હક્ક અને ફરજ એ તો છે એક સિક્કાની બે બાજુ જેવાં, સ્વતંત્રતાના મૂલ્યોને ટકાવવા મતદાન જરૂર કરીએ. -ચૈતન્ય જોષી 'દિપક' પોરબંદર.
ભોળાનાથ આશુતોષ કૈલાશવાસી તારા વિના કોના શરણે જાવું મારે. તારા નામનો એક તો આધાર છે. સ્મરણ તારું એ તો જીવન સાર છે. વિષધર,દયાકર આવ્યા દ્વારે...તારા. તારા રે નામથી ઉર ધબકે છે. તારી રે યાદમાં મુજને ગમે છે. ડમરુંધર ,શિવશંકર તારા સહારે..તારા. માગ્યું વરદાન ભોલે તમે દેનારા. શિવસરખા ન મળે જગન્યારા. દિલાવર,શશીધર પ્રાથુ પ્યારે...તારા. કોઈ ન ખાલી હાથે કદી જાતા. મારે સર્વસ્વ તમે હે જગતપિતા. અમરકર, ગંગધર આવો વહારે..તારા. -ચૈતન્ય જોષી .'દિપક' પોરબંદર.
દરેક બાબતમાં પોતાનું જ વિચારે છે લોકો. મૂકો વાત મઝધારની હજુ કિનારે છે લોકો. એક દિલથી બીજા દિલ સુધી ના પહોંચાયું, ને જગત કહે પહોંચ્યા એ સિતારે છે લોકો. રમત એક સ્વાર્થની જ રમતા આવડે છે એને, ગરજ પડતા દુશ્મનને પણ આવકારે છે લોકો. ગ્રાઉન્ડ ફ્લોરમાં આંટા મારે છે તક સાધવાને, તોય જાતને માને છે કે પોતે મિનારે છે લોકો. પોતાનામાં સમાય એ જ મંજુર છે એને સદા, ના બંધબેસતા બીબામાં એને ધિક્કારે છે લોકો. -ચૈતન્ય જોષી .'દિપક' પોરબંદર.
તારી પ્રતિક્ષાથી પધરામણી સુધી જીવવાનું છે. તારી અપેક્ષાથી વધામણી સુધી જીવવાનું છે. રોજ રોજ નિતનવા આકારો હોય મન તણા, તારી ઉપેક્ષાથી તાવણી સુધી જીવવાનું છે. ક્યાંકને ક્યાંક હશે રખેને કોઈ ભૂલ મારી કદાપી ઉન્નત એ કક્ષાથી મનામણી સુધી જીવવાનું છે. આમ તો કશુંએ ના ઉપજે મારું આયખા વિશે ઘાતસંઘાત રક્ષાથી ઉજવણી સુધી જીવવાનું છે. ડગલે ને પગલે મેં ઘણી બધી આપી છે આજ સુધી, એવી પરીક્ષાથી માપણી સુધી જીવવાનું છે. -ચૈતન્ય જોષી 'દિપક' પોરબંદર.
હૃદય ઉપર પથ્થર મૂકીને જીવવાનું શીખી લીધું દુશ્મનને પણ ઝુકીઝુકીને જીવવાનું શીખી લીધું. સંબંધોના સમીકરણો બનાવવાના હતા મારે તેથી જ, આવેલી તકને ચૂકી ચૂકીને જીવવાનું શીખી લીધું. માળો બનાવવો હતો એ સ્નેહની ડાળમાં મારે કદી, હતી જો કે એ સુકી સુકીને જીવવાનું શીખી લીધું. હતો અનુભવ એકદા દૂધનો થયેલો અતીતે દાઝવાનો, પછી છાશનેય ફૂંકી ફૂંકીને જીવવાનું શીખી લીધું. છે જમાનો કતારનોને હરીફાઈનો આ જગતમાં, નહોતી એ કદી ટૂંકી ટૂંકીને જીવવાનું શીખી લીધું. -ચૈતન્ય જોષી 'દિપક' પોરબંદર.
Copyright © 2026, Matrubharti Technologies Pvt. Ltd. All Rights Reserved.
Please enable javascript on your browser
