The Download Link has been successfully sent to your Mobile Number. Please Download the App.
Hey, I am reading on Matrubharti!
સુખ અને દુઃખમાં બસ ગણગણ્યા કરીએ. હર્ષ અને શોકમાં બસ ગણગણ્યા કરીએ. પરિસ્થિતિ છોને જાય બદલાતી હરપળમાં, હાસ્યને રૂદનમાં બસ ગણગણ્યા કરીએ. સવળા પાસા તો ભલા કોકદિ' પડતા હોય, આશાને નિરાશામાં બસ ગણગણ્યા કરીએ. એક આંખે હસાવી બીજી આંખે રડાવે કદી, મોજ હોય કે બોજ બસ ગણગણ્યા કરીએ. આપણે ગાયનમાં હંમેશાં ગમને ઓગાળીએ, તમસ હોય કે તેજ બસ ગણગણ્યા કરીએ. ચૈતન્ય જોષી. ' દીપક ' પોરબંદર.
એમ કૈં ગુસ્સે ના થવાય વાતવાતમાં. એમ કૈં ભ્રમરતંગ ન કરાય વાતવાતમાં. છે દુનિયા તો હસવા બોલવાની ભલા, એમ કૈં સંબંધ ના તોડાય વાતવાતમાં. રિસાવુંને મનાવું વચ્ચે ના હો અંતરને, એમ કૈં મુખ ના લટકાવાય વાતવાતમાં. હસો,બોલોને હેત કરો ક્રમ છે જગનો, એમ કૈં મુખને ના ચડાવાય વાતવાતમાં. સાગર જેવું હૃદય રાખીને જીવીએ તો! એમ કૈં મનમાં દુઃખ ના ભરાય વાતવાતમાં. - ચૈતન્ય જોષી. ' દીપક ' પોરબંદર
સિનીઅર સીટીજનની મોજ. વયમાં થયા પાકટને તોયે, હરડગલે અમે મુસકાતા, અજાણ્યાને ભેરૂ બનાવી, ગીત ગજબનું અમે ગાતા. નથી હવે કોઈ ફિકર અમારે, સદાબહાર જાણે વરતાતા, વાવડા સાથેય વાતુ કરતાને, ગીત ગજબનું અમે ગાતા. સ્વર્ગ સાકેત હોય આંગણિયેને, ના એને નભોમંડળે શોધતા, નિજાનંદે ના નૈરાશ્ય હો કદીએ, ગીત ગજબનું અમે ગાતા. હૈયાના હેતે હરિને આરાધીએ, ના યાચના કશીએ કરતા, હાથ જોડી શીશ નમાવીને, ગીત ગજબનું અમે ગાતા. માણી લઈએ જિંદગી અમે, આભાર ઈશ્વર તણો માનતા, સ્નેહ કેરું સૌંદર્ય પ્રગટાવીને, ગીત ગજબનું અમે ગાતા. વાર્ધક્યે ના હોય કશી વ્યાધિ, આનંદમંગલ બસ ઉચ્ચરતા. મળ્યું એટલું મબલખ માની, ગીત ગજબનું અમે ગાતા. - ચૈતન્ય જોષી. ' દીપક ' પોરબંદર.
માનવ- માનવ વચ્ચે સેતુ બાંધીએ, હરિ આવશે. ઊચકમન થયેલા સંબંધો સાંધીએ , હરિ આવશે. માત્ર પૂજાપાઠને મંદિર પૂરતા મર્યાદિત ના રહેતા, જનેજનમાં પરમપિતા પરખીએ, હરિ આવશે. સ્વચ્છતા તન,ઘર,શેરી, મહોલ્લાને નગરની રાખી, ઠેરઠેર,ઘેરઘેર તરુ વાવી ઉછેરીએ, હરિ આવશે. કરીએ ખાતરી કે વિસ્તારમાં કોઈ ભૂખ્યું ના સૂવે, ભૂખ્યાજનોની ઉદરઆગ ઠારીએ, હરિ આવશે. ક્રોધ, ઈર્ષા, ભેદ,અહં, દૂર કરી સાદું જીવન રાખી, આપણે જીવીએને જીવવા દઈએ, હરિ આવશે. - ચૈતન્ય જોષી. ' દીપક ' પોરબંદર.
સત્યને ક્યાંથી શોધી લાવો છો તમે ? નિતનવું કૈંકને કૈંક બનાવો છો તમે ? વાંચેલું આલેખો છો કે સાંભળેલું જે, જીવનના અનુભવો વધાવો છો તમે. ભૂલ નથીને શરીરરચનામાં તમારી કૈં? કે પછી બે હૃદયને ચલાવો છો તમે! મગજની વાત મગજ સુધી જ પહોંચે, ઉર આપવીતી ક્યાંથી લાવો છો તમે ? દુનિયાદારીને સ્વાર્થને સાઈડ કરી દીધાં, માત્ર લાગણીમાં કેટકેટલા ફાવો છો તમે ! - ચૈતન્ય જોષી. ' દીપક ' પોરબંદર.
હવે તો કમોસમી વરસાદ વરસે, તારી લાગણી ક્યારે? હવે કમોસમી વાદળો તો ગરજે, તારી લાગણી ક્યારે? ભૂલાઈ ગઈ છે ૠતુ એનાથી આ પ્રેમની પળોજણ આવીને, હવે તો કમોસમી વીજ પણ ચમકે, તારી લાગણી ક્યારે? ભલેને માવઠું લોક કહે તેથી શું? " મા " શબ્દ તો લાગે જ ને! હવે તો કમોસમી મોરલાઓ ટહૂકે, તારી લાગણી ક્યારે ? જોને હાલી નીકળ્યાં વારિ જાણે પૂરબહારે હોય ચોમાસું , હવે તો કમોસમી દાદુર પણ રવ કરે, તારી લાગણી ક્યારે ? - ચૈતન્ય જોષી. ' દીપક ' પોરબંદર.
ન જાણે કેટકેટલી રમત રમાડે છે ઈશ્વર. આમ કરીને એ અચરજ પમાડે છે ઈશ્વર. એક હાથે આપીને ખુશી ગમ સરકાવે છે, નાના ભક્તની પણ આરઝૂ સ્વીકારે છે ઈશ્વર. જોઈને ગુણો માનવીનાને એ હરખાય ખરો, ને અવગુણો નિજજનના ભૂલાવે છે ઈશ્વર. દ્વંદ્વની આ દુનિયા એક જ સર્વોપરી સનાતન, ક્યારેક રૂઠેલા સેવકને પણ મનાવે છે ઈશ્વર. અનંત જન્મોની યાત્રામાં સાચો રાહબર છે, પથભૂલેલાને ક્વચિત્ માર્ગ ચીંધાડે છે ઈશ્વર. અલંકારે અનન્વય તોય ભક્ત સંમુખ હારતો, ભક્તોની અસહ્ય ટેવો પણ ગમાડે છે ઈશ્વર..! - ચૈતન્ય જોષી. ' દીપક ' પોરબંદર.
પહેલાં બોલીને પછી ફરી જાય છે માણસ. જાણે પોતાના જ વેણે ડરી જાય છે માણસ. હિંમત નથી દાખવતો સત્ય કહેવાની કદીએ, પરિણામના વિચારે થરથરી જાય છે માણસ. ગમે છે દરેકને મનગમતી વાત સાંભળવાની, તેથી હોઠે આવેલું સત્ય ગળી જાય છે માણસ. અપેક્ષા એવી રાખે કે સામેની વ્યક્તિ ના છૂપાવે, ને પોતે જ પર્વત જેવડું દબાવી જાય છે માણસ. જો બતાવે કોઈ એના દોષો એની હાજરીમાં તો, કરી ક્રોધને શું નું શું પોતે બોલી જાય છે માણસ. - ચૈતન્ય જોષી. ' દીપક ' પોરબંદર.
" ચા " ની ચાહ રહી મારે નિરંતર. ના દૂર કરી શકું ક્યારેય સદંતર. રવિ પ્રથમકિરણે એની હાજરી, સ્ફૂર્તિ સંચારે પહોંચતા જઠર અંદર. સુસ્તીને વિદારીને જીવનબળ આપે, મંદિરવિનાની માતાની કેટલી અસર ! ટેનિનનો લગાવ આદિકાળથી રહ્યો, એનાથી અળગા થવાનું હો નિરુત્તર. દેવી કલિયુગની સંજીવની ભાસનારી, મૂર્છા ઉડાડી પ્રાણ પૂરતી સત્વર. - ચૈતન્ય જોષી. ' દીપક ' પોરબંદર.
શબ્દોને સદાય સુંવાળા રાખો હરિ હરિ. ને મીઠી જબાનનાં ફળ ચાખો હરિ હરિ. મીઠાબોલાનાં મરચાં પણ વેંચાઈ જાતાં, કટુભાષી ધિક્કારે સમાજ આખો હરિ હરિ. વચનનો વૈભવ શીદને ના રાખીએ આપણે, મધુભાષી કદીએ પડે નહીં ઝાંખો હરિ હરિ. સૌને ગમતો, સૌને નમતો મીઠાંવેણ ઉચ્ચરતો, જીવનમાં પ્રગતિની ફૂટે છે પાંખો હરિ હરિ. સત્ય પણ હીરમાં વીંટીને કહી શકાય છે વખતે, સામેનાની લાલ ન બનતી કદી આંખો હરિ હરિ. - ચૈતન્ય જોષી. ' દીપક ' પોરબંદર.
Continue log in with
By clicking Log In, you agree to Matrubharti "Terms of Use" and "Privacy Policy"
Verification
Download App
Get a link to download app
Copyright © 2023, Matrubharti Technologies Pvt. Ltd. All Rights Reserved.
Please enable javascript on your browser
