Free Gujarati Poem Quotes by Rinku Panchal | 111698065

જીંદગી સામેથી આવીને મળી ગઈ
આપણી વચ્ચેથી દુનિયા નીકળી ગઈ

દ્રશ્ય સુકાતા ગયા તો એમ લાગ્યું
એક નદી આંખોમાં થોડી ખળભળી ગઈ

મૌનથી પ્હોંચી હૃદય સુધી જ સીધી
દૂરનું અંતર હતું ને સાંભળી ગઈ

ઊગવામાં આભ લગ ઊગી ગયેલા
પ્રેમની માટી જરા બસ ઓગળી ગઈ

દ્વારકા સમજણની લેવામાં જુઓને
હાથમાંથી બાળપણની વાંસળી ગઈ
અંકિત ત્રિવેદી

View More   Gujarati Poem | Gujarati Stories