સાંભળને, મારી બાળક જેવી વાતો સાંભળવા તું આવીશ ને...!!
સાથે ખેડેલી સફરમાં સાથ આપવા તું આવીશ ને...!!
બધા કહેતા હોય છે મને, ખૂબ સુંદર હાસ્ય છે તારું.
આ હાસ્યની પાછળ રહેલા આંસુ લુંછવા તું આવીશ ને...!!
દરિયાની લહેરો ઉછળે ને, એવું અલ્લડ વ્યક્તિત્વ હતું મારું,
મારી આંખનો દરિયો સુકાય એ જોવા તું આવીશ ને...!!
દીકરી પપ્પાના આવવાની રાહ જુએ ને, એ જ હરખથી વાટ છે તારી.
મારા એ હરખને સમાવવા તું આવીશ ને...!!
કદાચ બધું જ ગુમાવીને પણ આ શ્વાસોને ધબકતા રાખ્યા છે.
એ જ માન, સન્માન ને બિન્દાસપણું ધબકાવવા તું આવીશ ને...!!
- SHILPA PARMAR "SHILU"
