🌿 ज्वारीच्या पिठाची उकडपेंडी
🌿महाराष्ट्रात आपण तांदुळ पिठाची उकड करतो तसाच हा एक प्रकार
साधा सोपा चट्कन होणारा
विदर्भ किंवा मराठवाडा इथे तांदूळ कमी पण ज्वारी भरपूर असते
तिथे हा पदार्थ लोकप्रिय आहे
🌿साहित्य
एक वाटी ज्वारीचे पीठ
एक कांदा चिरून
कढीलिंब
मोहरी हिंग फोडणी
तिखट मीठ हळद चवीनुसार
भाजके शेंगदाणे
कोथिंबीर
ताक
🌿कृती
प्रथम कढईत थोडे जास्त तेल घालून
(जास्त तेल घातले तर हा पदार्थ उत्तम होतो )
मोहरी तडतडली की कढीलिंब व कांदा घालावा
कांदा थोडा परतला की लागलीच ज्वारीचे पीठ घालावे
गॅसची आच मंद करून पीठ परतत राहावे
पाच मिनिटे परतले की मग
हिंग, हळद ,तिखट घालावे
व पीठ सतत परतत राहावे
साधारण दहा मिनिटे झाली की खमंग वास येऊ लागतो व पीठ हलके लागू लागते
आता भाजके शेंगदाणे घालावे
एकदा परतून घेऊन
आता हळुहळू त्यात पाणी व थोडे ताक असे घालत रहावे व परतत राहावे
फार पाणी घालू नये
यानंतर पाच मिनिटात छान मोकळी उकडपेंडी तयार होते
कढई खाली उतरवून
डिश मध्ये काढावी
वरुन बारीक चिरलेला कांदा व कोथिंबीर टाकावी
टीप
ताक न वापरता नुसते पाणी सुद्धा घालता येते
खाताना सोबत ताक अथवा दही घ्यावे
