#KAVYOTSAV -2#
*गॅसबाला* .
गॅस दरवाढीने झाली जनता ञस्त |
कंपनीने युक्ती शोधली मस्त |
नेमुनी गॅसबाला मदमस्त |
टाक्या पोहोचू लागल्या घरोघर |
टाकी घेऊन येता टंचपोर|
दरवाढीचा ग्राहकांस पडला विसर|
टाकी घेऊन येता खांद्यावर |
लालेलाल झाला चेहरा सुंदर |
पाहूनी चेहरा घामाने डबडबलेला। ह्रदयाचा ठोका कसा चुकला।
पाहूनी मनमोहक अदा खास।
यजमान धावला मदतीस|
हात लावताना टाकीस |
नयन भिडले नयनास|
श्वासात मिसळता श्वास | हसू फुटले यजमानास |
केला इशारा जाता जाता |
देईन माझी सारी मालमत्ता |
घरी आहे मी एकटाच आत्ता |
मारू प्रेमाच्या खुल्लमखुल्ला बाता|
हसून म्हणाली ती बाला|
होईल आनंद फार मजला|
काळजी मज तुझी प्रेमवीरा|
कशी सांभाळशील कवळी शूरवीरा|
======================
नागेश सू. शेवाळकर, फ्लॅट क्रमांक 110 वर्धमान वाटिका,
फेस 01, क्रांतिवीर नगर लेन 02
संचेती शाळेजवळ थेरगाव पुणे
411033. (9423139071)
nageshspande@gmail.com
