कवी अरुणदास लिखित-
।। श्री दत्तगुरूंची आरती ।।
त्रिगुणात्मक मूर्ती पाहुनी
आनंद दाटला हो मनी
दर्शनाची झाली कामनापूर्ती
करू या दत्तगुरूंची आरती ।।
केला होता संकल्प कधीचा
दर्शनासी येईन हो दरबारी
दयाळू तुम्ही केली इच्छापूर्ती
करू या दत्तगुरूंची आरती ।।
नामस्मरणे मन आनंदले
निराशेचे जळमट दूर झाले
नित्य पडो नजरेस ही मूर्ती
करूया श्रीदत्तगुरूंची आरती ।।
भक्तवत्सल सद्गुरू तुम्ही
कवीअरुणदास विनवणी
भक्तांना व्हावी कृपेची प्राप्ती
करूया दत्तगुरूंची आरती ।।
---------------------------------------------
कवी अरुणदास" अरुण वि.देशपांडे-पुणे
९८५०१७७३४२
-------------------------------------------------
