આ તસવીર મધ્યપ્રદેશના જબલપુરમાં
એક ક્રૂઝ અકસ્માત બાદની કરુણ ક્ષણ દર્શાવે છે.
“માતાનું આલિંગન”
મોત સામે પણ ના છૂટ્યું એનું આલિંગન,
જીવન હારી ગયું, જીત્યું એનું આલિંગન…
પાણીમાં પણ એણે દીકરાને સંભાળ્યો એમ,
ડૂબતું વિશ્વ હતું, ઊભું રહ્યું એનું આલિંગન…
શ્વાસ અટકી ગયો હશે, આંખો બંધ થઈ ગઈ,
પણ પ્રેમ બોલતો રહ્યો— એનું આલિંગન…
કોણ કહે અંત આવી ગયો એ પળમાં બધાનો?
મમતા બની અમર રહ્યું — એનું આલિંગન…
મોત પણ થંભી ગયું હશે એ દ્રશ્ય જોઈને,
કેવી શક્તિ બની ગયું— એનું આલિંગન…
“અહેસાસ” લખે છે આંસુઓની શાહીથી આજે,
દુનિયાએ જોઈ લીધું શું હોય છે આલિંગન…
— મેહુલ સિધ્ધપરાં (અહેસાસ)
