સપના હજી સ્ત્રીઓના તૂટે છે,
આકાશ હજીય એનું ખૂટે છે,
છડે ચોક હજીય એનું શિયળ,
લોક લૂંટે છે.
શેરીએ શેરીએ પત્થરને લોક,
હજીયે પૂજે છે,
શ્રદ્ધા ના નામે હજીયે,
ધુતારા લૂંટે છે.
ધર્મ,જાતિને, જ્ઞાતિની વાડે,
હજીય માનવતાને લોકો,
ચુંથે છે.
ફરી એક વાર મહામાનવ તમે,
આવોને માણસાઈ માણસની,
સ્થાપિત કરી જાઓને.
સ્ત્રીઓને હજીયે એક,
ઉડાન તમે આપી જાઓને,
પરીક્ષાઓ એની કાપી જાઓને.
બંધારણ નવું આપી જાઓને,
નિયમો નવા ઘડી જાઓને,
ખાલી માણસ જાત જ,
આપીને જાઓને.
તમારે નામે ઘણાય તરે છે,
તમને પણ ભગવાન કરી,
સદાય પૂજે છે.
માનવ કરતાંય મહામાનવથી
તમને હવે ઓળખે છે.
મહામાનવ ને શત શત વંદન,
🌼🌼🌺🌺🏵️🏵️🌼🌼
