શાળાનું બીજું સત્ર
થઈ પૂરી દિવાળી ને ગઈ દેવદિવાળી પણ!
કરી લીધી મજા ભૂલકાઓએ રજાની!
કોઈક ગયા ફરવા ને કોઈ મામાને ત્યાં!
કોઈક વળી રહ્યાં ઘરમાં ને ઘરમાં!
આવતીકાલથી શરુ થશે શાળાનું બીજું સત્ર!
શાને મૂકે છે લોકો સ્ટેટસ એનાં નકારાત્મક?
શરુ થશે શાળા ને ફરીથી ગોઠવાઈ જશે,
નાનકડાં ફૂલો બગીચામાંથી એક નાનકડાં કુંડામાં!
ફેલાય છે નકારાત્મક વિચારો મનમાં આનાથી,
નફરત થાય છે બાળકને શાળાનાં નામથી!
ભાવિ દેશનું ઘડાય છે વર્ગખંડમાં,
તો શાને કરવો કકળાટ શાળાઓ ખુલવા પર?
કેમ કરી બનશે ઉજ્જવળ કારકિર્દી બાળકની?
શું આવા વિડીયો કરશે મદદ બાળકને ભણવામાં?
વધારો ઉત્સાહ બાળકોનો શાળા પ્રત્યેનો,
શીખવો એને સન્માન શાળા પ્રત્યેનું!
રહ્યું નાનકડું માસુમ માનસ એનું,
એ તો શીખશે જેવું શીખવશું એને!
