" રક્ષાબંધન રૂડો તહેવાર "
ઘરે આજ આવી બહેન મારી લાડકી.
મારા કાંડે હેતથી બાંધશે રૂડી રાખડી.
હૃદયમાં ઉભરાઇ રહ્યો ઉમંગ અનેરો,
હરખમાં થઈ રહી છે સજળ આંખડી.
આપું છું બક્ષિસ રક્ષાબંધનના પર્વની,
એક ફૂલ નહીં તો ફૂલની નાની પાંખડી.
લાખ્ખોના દાગીના પણ ફિક્કા લાગે છે,
લાવે છે અનોખું વ્હાલ એની સાદગી.
દૂર ભલે હોય એ સાસરે પણ આજેય,
બાળપણની દરેક યાદ રાખી છે સાચવી.
દુવા કરું છું ઈશ્વરને એ સુખી રહે સદા,
આવે દ્વારે 'વ્યોમ' એના ખુશીની પાલખી.
✍...© વિનોદ. મો. સોલંકી "વ્યોમ"
જેટકો (જીઈબી) અંજાર. મુ. રાપર.
