આજનો દિવસ મારા જીવનમાં ખૂબ મહત્વ ધરાવે છે, કારણકે આજના દિવસે મારી ખાસ દોસ્ત શેફાલીનો જન્મદિવસ છે. અમારી દોસ્તી ઓનલાઇન થકી થઈ છે, છતાં મારા દરેક મિત્રો જ નહી પરંતુ પરિવારના સભ્યોથી પણ મોખરે અમારો સંબંધ છે.
મારા જીવનમાં એમની હાજરી એ કંઈક મારા ગયા જન્મના પુણ્યનું શુભ ફળ છે. હું ખરેખર ખૂબ જ ભાગ્યશાળી છું કે, આટલી સમજદાર અને લાગણીશીલ વ્યક્તિ મારા જીવનમાં ભગવાને મોકલી છે. હું એમને જન્મદિવસની શુભેચ્છા પંકિતઓ થકી આપવા ઇચ્છું છું.
સમજણથી છલોછલ અને ચંચળતાની ક્ષિતિજ તોડે એવી, હા તું બધાથી અલગ છે;
સુંદરતામાં નજર અટકે અને સાદગી ભારોભાર છલકે એવી, હા તું બધાથી અલગ છે;
પરિવારને મોખરે રાખે અને સ્વતંત્રતાની સીમાને નિભાવે એવી, હા તું થોડી અલગ છે;
કસોટીમાં ધીરજ રાખે, પ્રભુ પરની આસ્થાને દાખવે એવી, હા તું થોડી અલગ છે;
નાની ઉંમરમાં અનુભવ જાજા અને છતાં વિનયી અને વિવેકી એવી, હા તું થોડી અલગ છે;
સપનાઓ ઘણા તૂટ્યા છતાં નિરાશાને દૂર ધકેલે એવી, હા તું થોડી અલગ છે;
દીકરીરૂપે અવતરી ધરા પર, દીકરા સમોવડી કહેવાય એવી, હા તું થોડી અલગ છે.
ભાગ્યથી પણ ન મળે છતાં કોઈક ઋણાનુબંધી મારી સખી એવી શેફાલીને જન્મદિવસની ખૂબ ખૂબ શુભેરછા.. ભગવાન તમને બધું જ સુખ અને ખુશીઓ આપે એવી દિલથી પ્રભુના ચરણોમાં પ્રાર્થના.
Happy Birthday Dear Shefali.Have a great and joyful life ahead 🎂🍫🎉❤️
